في رثاء الشيخ نايف بن محمد بن سلطان أبو خشيم رحمه الله: علم لفاني زاد بالقلب تنكيد منه الحزن فالقلب ينصب خيامه قالوا رحل نايف على قبره الحيد ما عاد يرجع لين يوم القيامه والدمع من عيني جموع ومفاريد كني رضيع عجلوا في فطامه عليك يا حر شهر فوق وبعيد حر تسلسل من خوال وعمامه لو البكاء والدمع له دور ويفيد والله لأخل الجار يصحا منامه وراضي بحكم محدد العمر تحديد امكون الإنسان محيي عظامه العمر عند الله ما ينقص ولا يزيد سبحان رب قدره في نظامه ومرحوم يا شيخ رحل ثاني العيد عساه فالجنة تحقق مرامه صلى وصام ومجد الرب تمجيد ويا الله يا معبود تقبل صيامه وعساه فالجنة بها يفوز وشهيد وتنجيه من هول الحشر وازدحامه شبل عزيز وما تجيه المناقيد شبل الشيوخ أهل الوفا والكرامه حرار تلطم بالمخاليب وتصيد يا حظ من هم فالشدايد احزامه الاد مرشد محتمين المواريد لا لجلج البارود وثور عسامه في ساعة فيها المنايا ملابيد يولي بها قلب الشجيع اهتمامه يلجا لهم من شاف فالوقت تعقيد ويزيد قدره عندهم واحترامه أسياد ما منهم ولا واحد سيد الا بعد نهار يوم الرغامه واليوم في حكم الملوك الأماجيد أهل الدرع والسيف وأهل الزعامه إخوان نوره نسل سلم البواريد أهل البطولة والشرف والشهامه ولا هنت يا محمد عسى عيدك سعيد ويجبر عزاك اللي عزيز مقامه وحنا معك يا شيخ والله ما نحيد كل يقوم بواجبه والتزامه وصلوا على محمد معي يا الأجاويد صلوا عدد ما هل وبل الغمامه
