مرحوم يا فهد العروبه

والوفا والسلام
كرس جهوده يخدم الإسلام والمسلمين
وبجنة الفردوس يارب الملا له مقام
مكه وطيبه والمشاعر للفهد شاهدين
سطر له التاريخ ما قدم لنا ابن الإمام
ذكراه محفوظه على طول المدى والسنين
المملكه في عهد أبو فيصل تفوق المرام
عهد الرخا والامن والانصاف عهد حصين
المملكه كل الدول تاقف لها باحترام
ماهي غريبه دولة الاصلاح والمصلحين
المملكه تمضي على منهج وشرع ونظام
وتحكم بشرع الله وسنة مصطفانا الأمين
الفهد مايرضى ولا يرضى لمسلم يضام
يشهد له الافغان والبوسنة من الناصرين
وللقدس جاهد واجتهد يسعى لها باهتمام
وحرر كويت العز بالقوة أمن العابثين
حامي وطنا من طغاة الشر واهل الظلام
وحامي وطنا من هواة الغدر والطامعين
عهد الفهد عهد التطور والنما والتمام
عشرين عام واربع اسنين بها ناعمين
يالله يالمعبود يامنشي رزين الغمام
تجزي فقيد الشعب بالجنة مع الفايزين
عد الحجيج وعد من صلى وكبر وصام
تغفر وترحم من سعى للخير دنيا ودين