خادم البيتين

يا خادم البيتين يا ساس الأبطال
يا منتهى ما تحتويه الرجوله
يا القائد اللي تفتخر فيك الأمثال
لا جاء نهار بين صوله وجوله
زعيم شعب المملكة طيب الفال
عندك صعيبات الأمور محلوله
سلامتك من كل ما يقلق الحال
يشفيك من خاطب بصوته رسوله
عساك سالم من صواديف الأهوال
دعوات شعبٍ دولته خير دوله
شعب دعالك في صلاته ولازال
رافع إيداينه في صعود ونزوله
يارب تشفي من شقا لجل الأجيال
من شان يفرح كل من عاش حوله
يا عالم غيب الليالي والأعمال
تمد في عمره وتاقا ميوله
حيثه فهد فهد فهد مابه جدال
يكفيك عن فعل المخاليق زوله
يرسي ولو تهتز من حوله اجبال
ويفرق عن احمول الأوادم احموله
هذا الصحيح اللي من القلب ينقال
مثل الزمن واضح وتعرف فصوله
وآخر كلام ونبرةٍ تسكن البال
ودموع من بين الكفوف امحموله
ودعوات كهل وطاعنة سن وأطفال
وناسٍ مشاعرهم لشوفك عجوله
يا مستجيب ومحصي كل الأعمال
جميعهم بصدق دعاهم دعوله