أهلاً هلا وأهلاً برمز الرجوله

يا مرحباً بقدوم رمز الرجوله
الحاكم العادل عريب السلاله
لا باس باللي كل شعبه دعوله
وسجادته ودعاء شعبه دواله
صقر العروبة ما يقوله يطوله
راعي الحمية سعد منهو لجاله
اللي خذا بالمجد صولة وجولة
وحط هدفه حب الخلايق وناله
قدم لشعبه شي مقدر أقوله
فوق الوصوف وفوق حتى خياله
العلم والتطوير وزاد السيوله
لمواطنة حتى يعيش بسهاله
وتوسيع بيت الله ومسجد رسوله
وزاح الدموع من العيون الثكاله
يا سعد شعب أبو متعب يعوله
اللي عشان الشعب أرهى بماله
اللي خذا في حب شعبه بطوله
ملك قلوب الشعب وشعبه وفاله
مليكنا شامخ ومحدن يطوله
منهو يساوي بالخلايق فعاله
ملك يحب الناس ويعز دوله
قد عزها الله جل اسم الجلاله
وحبك معانا من سنين الطفوله
ياللي تصون الشعب وترفى خماله
يا خادم البيتين وش ما نقوله
ما يوفي بحقك ولو من خلاله
قلنا هلا وأهلاً برمز الرجوله
الحاكم العادل عريب السلاله
فيصل فهد المعيوف