الصبر خير مفتاح

تصفق بي الأمواج ماهو بطوعي
أمواج هم وحزن ماشفت الأفراح
وانا اشهد اني شفت شي يروعي
الهم والهاجوس مقطار مفساح
ما فارقتني صدق طول السبوعي
من أولا ابغى الفوايد والارباح
ومن كل صنف اريد شكل ونوعي
واليوم راس المال مكسب ولو راح
نصف رضينا لو تجينا اقطوعي
قالوا تصبر والصبر خير مفتاح
الصبر مفتاح الفرج لو يلوعي
فمتى على الله باقي الهم ينزاح
ينزاح من قلبي بليا رجوعي
القلب تلعب به معاصير الارياح
يكفخ تحت لانجاف بين الظلوعي
قلبي حزين صدق ماهو بمرتاح
ومع طاري الفرقاء خطير يزوعي
حان الفراق وباقي الصبر قد باح
وما ودنا يدري بذا السر دوعي
فالسر وسط البير والحكي مياح
تدري بقصدي ياحسين الطبوعي
تبغى تشوف الدمع من شان ترتاح
والله ما تفرح بشوفت أدموعي
خذها وعد مني ولاني بمزاح
من عادتي ماني باحب الخضوعي
مهدي بن مسفر بن عليان الحبابي
وادي الدواسر