يا الله يا اللي تعلم السر يا خير معبود أنت خالق كل نعمه وخالق ضدها يا عظيم الشأن واللي تريده ما يكود النعم منك كثيره ما نحصي عدها بعدها والعلم أعده كما عد النقود والسوالف فارق مزحها من جدها وأتخير كل طيب ومن جودك نجود انظم القيفان في شانها واعدها حان توضيح الحقايق ولا يلزم شهود الحقايق فالتواريخ فايح ندها الحقايق ما تخفى ومنزلها سنود أتحدى بالتواريخ ما به قدها التواريخ أشهدت بالوفا للسعود الرجال اللي استعادت موارث جدها عادوا آل سعود دار لهم موطن جدود استردوها بسد السيوف وحدها حدد بن سعود داره معا كل الحدود غصب ما هو برضا والحقوق ارتدها استرد اللي سلب ثم ورثه الأسود ورثه للي حموها وكسبوا ودها لين صارت شامخه كل يوم وهي تزود زودها مشهود يوم الله اللي مدها كل حكام الجزيرة لها صاروا جنود وشعبنا دون الوطن كل هجمة صدها وضد الإرهاب اتحدنا ولا فينا جحود وكل الأفكار الدخيلة بناقف ضدها فيا وطنا مشكلتك انك بالأمن محسود حنا رجال الأمن درعك ونايف قدها مهدي بن مسفر بن عليان القحطاني- وادي الدواسر
