كم لي يلوح البرق بالافكار وتحن الرعود وانا انتظر ما يروي افكاري حسب مقصودها في صمت طال الوقت بعض الوقت والصبر محمود والطيّبه لا وثّقت كل الشهود اشهودها حتى استهلت مزنةٍ للقاف ترقابه سنود واسترسلت شرّد معانيها وهبّت نودها وانباج للهاجس طريقٍ ما نقص مهما يزود واوعزت في حالة رضا للذاكره وجنودها للجزل والا ما يبي معناي جهد من الجهود من وين ما وجهت تلقى سيرته واعدودها معناي له تنساق من روس الدول روس الوفود وشعوب كل المملكه تنقادله ويقودها معناي لا عدوا زحازيح المشاهير معدود ويشاف فرقه في مغاتير الليال وسودها معناي نبراس الكرم معناي حلاّل العقود هو قمة الامجاد في سهل الامور وكودها هو سيدي سلطان بن عبدالعزيز بن سعود يوم الاسامي تختلف بافعالها وجدودها القايد اللي لجل دين الله عن بلاده يذود يسهر لعين المملكه وتنام كل حدودها رجل السياسه والفراسه والسياده والصمود ساس المراجل والمبادي والقيم وعهودها لامن تحدث صارت الاحداث في حالة ركود وصعب يتحدث في قضيه ما يحسم بنودها وعز الوحيد اللي عن حدوده من الخصم محدود وريف الضعوف اللي مدامعها تغيض اخدودها يا كثر ناسٍ معدمه كانت ومن جوده تجود ويا كثر ناسٍ من قيود الوقت فك قيودها يالله اسالك يا مجيب تمد عمره بالوجود في دولةٍ تشمل جميع الناس في مردودها دولة شعوبٍ مسلمه بالحق ما تعرف صدود وحكّامها تحكم حسب ما حكّمه معبودها الدوله اللي ما جحد خيراتها غير الجحود واهل الحسد بتموت حقد وسمّها بكبودها وتبقين يا دولة هل التوحيد دايم في صعود صوب العلا في منجزاتٍ ما تكل جهودها ومادام نحكم في كتاب الله والسنة تسود مافيه خوف من السنين صدورها وورودها
