بيت البدو والحضر

الاد ذائب عزوتي لا تعزويت
نويت والله عالمن ما نواني
علام ما يخفى وما قلت وأخفيت
وذكرت ربي واقفاً في مكاني
سبحان رباً يحي الحي والميت
وبرزت لينني سمعت الآذاني
مصمصمن كني من الدار قزيت
قلت الصلاه أبدي على المودماني
وصليتها في موقعي ما تعديت
ايزود بالإصرار قوء الايمان
من ما طرى فلبال بالعزم سجيت
وعقبت نجد ناصيلي احصاني
فلعاصمة يشهر بها الإسم والبيت
بيتاً على العزة جويد المباني
يكرم به الطرقي ويرتاح ويبيت
بيتاً به الجالي يحس الطماني
ويقال له فراس عيطا تعليت
بيتاً يزبن من تنصاه عاني
إن جيت به غضبان فيه اسفهليت
بيتاً عزيزاً ما نصاه الهداني
ألا رجال اللي عظاما عنا تيت
بيت البدو والحضر بيت الأماني
مدها لهم يلقون ابه ما تمنيت
بيت المعزة والحصون المتاني
حجا وملجا لن صيته تقويت
بيت العزيز اللي زهته المعاني
اللي بذكره يرفع الرأس والصيت
سعود منصا من دهاه الزماني
يباشره في قول مرحب وحييت
سعود عون وملتجأ كل عاني
أقول ولا لو تجهت مكفيت
سعود ذكره في الرجاجيل باني
يذكر ولا عدوا ها المجد عديت
سعود وصفه هو سهيل اليماني
لقيل ويش وصفه على سهيل حليت
سعود مدحه والله انه دهاني
ويش الذي يحصي خصاله إذا أبديت
اعد مجده دام ينطق لساني
دونه نبيع الروح من دون تلفيت
ادعيلك الله عالم كل شأني
الك الدعاء مني لاصبحت وامسيت
بجاه من صلى وصام رمضاني
بالعافيه تظفيه يا منقذ البيت
ربي عليماً ما كنزته المحاني
من المحبه لو تكلمت مشفيت
بسم القبيلة جيت أزف التهاني
بقدوم أبونا بالمثايل تغنيت
والعذر لن قصر عليه بياني
والله لو غنيت مليون ما اوفيت
ضيف الله بن غزاي بن عارف العتيبي