لا جديد

غير دمع العين والحزن الأكيد
الشقى والياس في دربي يسود
والألم بالعمر يا عمري يزيد
في غيابك تصبح الدنيا جحود
لا طعم,, لا لون فيها لا جديد
ما دريت انك تعديت الحدود
في غلاك اللي جرى مجرى الوريد
كنت أكابر فيك وأشواقي تزود
لين صرتي راس مالي والرصيد
انت ياللي فيك جعل الله يجود
وليت حظي عن طريقك ما يحيد
لو رحلتي يصبح الحلم مهدود
والسعادة دربها يبعد بعيد
والسهر والدمع والحيل الشهود
كلها تنبي عن الحال وتفيد
فرحتي ماتت وأنا بعمر الورود
وصرت أنا باللي بقى منها زهيد
لافي بن عبدالعزيز أبا العون