(حادي الركب)

لأول مرة تشاركنا الشاعرة (فتاة تهامة) من خلال هذا النص المميز والذي خصت به(ملامح صبح)،أقرأوها لتستمتعوا بشعرها حيث تقول:
لابان نورالصباح يصيح بي صوت المووايل
لاخر مدى للشعاع المختبي فاطراف مينا
يحتال فيني وانا صدري بحر وعيوني النيل
ما مر من مركب الأمال ما صافح يدينا
وش عاد لو لوّح الطرقي على درب المراسيل
البعد ينشر ظلامه فالدروب ويحترينا
ياما وقف صوت من يطرد لميع الجدي وسهيل
في ساعةٍ من دقايقها شبعنا وارتوينا
لو ياخذون السهر عنّا ليا طوّل بنا الليل
ماكان صاح الحنين لوصلهم ولا بكينا
ولو حن قلب الزمان ولاجهلنا في المقابيل
مالاح برق الفراق بسطوته حتى سرينا
اللي بقى من حنيني شفته امع الدمعة يسيل
ياحادي الركب لا تسرع بركبك لامشينا
عيني على دارهم واعروق قلبي حزّها الويل
والشوق يغشا الضمير ومن عذابه ما حكينا
جاذبت فيهم طروق الوجد واقناد الفناجيل
وقهويت صبري غلاهم لين راحنّ السنينا
ما مّل صوتي يناديهم بنبرة تكسر الحيل
حتى بنى الشوق بيته فالخفوق ولا نسينا