لا تأخرك السنين

روحّي بامان ربك لا تجين وترجعين
سافري والصبح همٍ وقّع بصدر الظلام
سافري يا بنت حنا للجروح مسافرين
ما لقيت الها طريقة قصةٍ مثل الهيام
وطرقةٍ فيها وصايف من دروب التايهين
الله الله يا حياتي كان ياصلك الكلام
عانقيه ان كان ضيّع صادقه كذب الحنين
ما بغيت انساك لكن سج بالي ثم هام
ما يطيع الذل لحظة ما يهين ولا يلين
السراب اللي طردته قلت: للقلب الهمام
التفتلي قال يالله لا تأخرك السنين
انجرح فالروح طفلٍ ما بعد شاف الغمام
ثم بكا والغيم كذبه والجروح مصدقين
يا بروق الود هلي وامطري قطرة غرام
اول الغيث قطرة في قلوب العاشقين
الله الله يا خفوقٍ ذلك الرمش بسلام
ثم تبعثر في ضلوعك تالي الحلم الحزين
كن حلم العمر عقبك ضايعٍ وسط الزحام
طرقته يم الشمال ولا لقا غير اليمين
انتهى الميعاد بدري والدجا فالنور نام
وادع الميعاد ليلي والجروح بكلمتين
الشقا والياس دونك والمشاريه العظام
السعادة كنز لكن وينها عني ووين
ارحلي للنجم ليلٍ ضيّع فدربه ظلام
اجرحيه بنور خدك واسعديه بضحكتين
ابعدي عني ما اريدك لا تردين الغرام
جرحك البارد نسيته ما عرفتي تجرحين
مشعل بن محيّا