يا عديل الروح

بعد أن حصدت الإعجاب بما طرحته من قصائد مميزة تكشف الشاعرة أمسية النقاب عن اسمها الصريح، وتصافح جمهورها في أول قصيدة لها باسمها الحقيقي. فإليكم نص جواهر الرصيص (أمسية):
يا حبيبي وش ورى هذا الغياب
يا مغيب الشمس وش ذنب الشروق
فيني من الخوف عبرة وارتياب
وفيني من الجرح ألوان الحروق
صار قلبي من سبب حبك مصاب
ولا أنا مالي قبل حبك خفوق
يا زلال العمر لا تصبح سراب
خلك لعيني ولو مرة صدوق
ضايعة بين الأماني والعذاب
أطرد الظلما ورى نوض البروق
للمشاعر ليه ما تحسب حساب
المحبة ما تجازى بالعقوق
ابني بيوت القصايد من خراب
صرت اغني بك على كل الطروق
تايهة وأعيش دنياي اغتراب
رهبة المجهول تجري بالعروق
ما نفعني يا بعد عمري عتاب
صار عشقي سمع وإحساسي مخنوق
يا عديل الروح يا غيث السحاب
لا تصير لفرحة أيامي سروق
جيتك عندي لها مليون باب
الوكاد فجيتك بالي يروق