أهلاً هلا بك

أهلا هلا بك يا هوى النفس والروح
يا مرحبابك يالحبيب المزوحي
أشكيك قلبٍ ما رضى منك تروح
يوم إن في بعدك تزايد جروحي
لا تعتذر في جيتك أنت مسموح
في شوفتك خليت قلبي سموحي
يطيب ما في القلب من هم وجروح
والسر والله ما أظنك تبوحي
فيك الكلام اللي لذيذٍ ومملوح
فيك الغلا مانته بعندي شحوحي
لولا الغلا والشعر ما يظهر البوح
وعساك تسمع بالقصايد وتوحي
الله يجبر خاطرٍ منك مجروح
من كثر ما ناداك صوته بحوحي
ومنك الخطا والزلِ اكيد مدموح
ما قلت لك يا مرحبا يالمزوحي
محمد بن إدريس بن ظفر الدوسري