أيَّامنا بالمملكةْ كُلَّها أعياد ما مر يوم إلا لنا فيه عيدي فريدةٍ ما عمرها جات بابلاد نقطف ثمرها كل يومٍ جديدي عيد الأمان ولمن والخير واسعاد اعمار ما ياقف انجازه عديدي عيد الأماني والمسرات واعداد خيرٍ على شعب الجزيرة يزيدي بَنَالنَابين السماكين الأمجاد وش بعد من غير التكامل نريدي كُلّه بفضل الله وتوجيه وارشاد ولاة الامر بجود هِمّاتْ سِيِدِي أبو المكارم والجزالات معتاد فهدٍ عساه يدوم عمره مديدي ويبقى له الزَّنْدْ القوي عضد واسناد نعم السند للحمل نعم العضيدي ولي عهده والله انْ ماله انداد شكله لمفتاح السياسةْ فريدي واخوانه الصيد الحلاحيل الاسياد لا غاب بدرٍ حَلْ بدرٍ جديدي لهم عروش الملك عمدان واوتاد ورث الملوك وطودُ مْلكٍ تليدي امْسَيَّسِهْ من شجرة المجد من عاد تبيد الجبال وجذرها مايبيدي اعطاهم الله شعب ما ينقض اعهاد على ولاهم قاسمٍ ما يحيدي قبايلٍ ما همب (من قوم وش عاد) شافوا مواقفهم لدحر الضد يدي أهل الذمم واهل المواثيق واجهاد واهل القلوب الليِ ادماها حديدي يعرف مواقفهم رعى الكور واشداد في ليلةٍ طاحت بعرش العنيدي ركبوا مع (معَزّي) على الضمر اضماد امبا يعينه دون شرطٍ وقيدي باعوا النفوس افداه لاجاد من جاد هذي سلوم اللّيِ حسبهم مجيدي ذا شعبنا يا غافل فعل الاجواد سعوديةٍ نفخر بلصل الأكيدي أكبارنا وأنَّا على الأثر لولاد نوفي الوعود ولا نخون العهيدي ما هَمّنَا من غَرَّهْ ابليس وانحاد واصبح لحكم الله طريدٍ شريدي خان الأمانه والوطن كل جَحَّاد اللي اصوله من اصلنا بعيدي نعاهد الله من على روس الاشهاد عهدٍ نواصل من الولد للحفيدي لا يقطعه دهرٍ ولا بايده باد ما دام فال اسعود يُخْلَقْ وليدي تَمَّتْ بحمد الله على عِزْ وابعاد زلة لسانٍ في فرايد قصيدي ما اقصد رفاده من ورا بدع الانشاد قيمه مثل من يرخصون النشيدي
