لا تشتكي همك

يا لطيف الروح لا تشتكي همك
عندي اللي من همومي مكفيني
محرقه دمي قبل يحترق دمك
والزمان اللي مجافيك جافيني
احذف احزان الزمن من وراء كمك
وابتسمٍ يا سيد كل المزايني
ونظرة اعيانك وبسمات من فمك
يوم تقتلني وساعات تحيني
سمني جرح الغلا مثل ما سمك
والهوى عذب قلوب المحبيني
كل ما ذعذع صبا نجد من يمك
انعشتنا بالهوى والرياحيني
ما نصدق من حكى فيك ويذمك
ولا تصدق من حكى بالردى فيني
لا ولد عمي ولاني ولد عمك
بس أنا أغليتك مثل ما انت تغليني
والغلا ما هو غلا ابوك والا امك
عندي أغلى من حياتي ومن عيني