«اثنين وعشرين عام»

باسم الله أبدأ قصيدي والبدايات خير
والخير موجود والمنهال ماء معين
وأطلبك يارب يارحمن وأنت القدير
أحفظ لنا الدين والدولة وحاكم أمين
الحاكم اللي حكم بالعدل ما هوب غير
حكم الشريعة مساره والكتاب المبين
في بادي الأمر في التعليم نِعم الوزير
من خطته يستفيد العلم والدارسين
أسس مدارس تعلم ناشيءٍ والكبير
والجامعات أصبحت بأمره سعد كل عين
واليوم يا خادم البيتين خيرك وفير
خيرك على مملكتنا والعرب أجمعين
في خدمة الدين لك يا فهدنا شي كثير
واضح ومعروف ما يخفى على اللي فطين
في وسط مكه وطيبة فئّ ما هو هجير
والأمن موجود والخدمات للزائرين
كل المدن شاهده والناس حتى الصغير
إن الملك فهد للمسلم عضيد ومعين
اثنين وعشرين عام ومملكتنا تسير
في حكم فهد الجزيرة قائد المسلمين
يعيش أبو فيصل اللي بالسياسة يدير
كل القضايا ويحكمها بحكمٍ ضمين
من يشتكي له من الدنيا وحاله عسير
بإذن الله يصير في يسرٍ وحاله يزين
والفهد من يستشيره قال نعم المشير
عز الله الفهد راعي الشور في كل حين