لو ينتثر بالأرض يزهر ثراها في خافقاً ما يملكه كل مزيون غيرك من الخضرات يرفض هواها يا درةٍ مالك شبيهةٍ بهالكون إلا النجوم السارية في سماها قلت الحقيقة وأكثر الناس يدرون محبتي لك عالياً مستواها كله مشاعر صادقة لونها لون غنيتها لك من خفوقاً سقاها سحابةٍ ما ترتكم خلفه مزون في وسط جوفاً ما روى عذب ماها وأن جيت أوصف وصفها قلت وشلون يموت وصفي ما يوصف حلاها في حبها هايم مثل قيس مجنون لو ينصحوني ما تقبل سواها الله عطاني قلب ولسان وعيون وأفكار أديره لين تاصل مداها ولا أطاوع العذال واللي يلومون عقلي براسي والمخير لقاها مجنون ليلى مات والناس يدرون أسباب موته حب ليلى وشقاها وأكبر مثالٍ حبها طرز النون حرفاً على درب الهوى ما نساها وأكبر دليل أني بهوى الزين مفتون اللي عليه الروح زايد غثاها ما تطربن ضحكة ولا دقة فنون ما دام عيني نوفها ما هناها ليت القوافي تنجمع قاف موزون وألا القصايد تطير باللي قراها حامد طرقي الذرعي
