خطاك!

دورت لك لو هو عذر يغفر لك بحقي خطاك
تصدق إني لو أقول أزريت أدور لك عذر
خذلت قلب من الوفا والحب ماقصر معاك
حبك على وضح النقا ومنك الجزا طعنة غدر
خذلت منهو مابخل عليك واذكر ماعطاك
وترد له عطيِّته دمع(ن) على خده جمر !
وشلون قلبك طاوعك ترمي محبتنا وراك
من عقب ماكنا مثال بحبنا لكل البشر
لا واحسايف طعتهم وأرخصت حراً في سماك
يقدم وإلى أقدم مايهمه لو غدى دربه خطر
طاوعتهم وإنت الذي خسرت من همه رضاك
خسرت من همه تعيش بلا تعاسه أو كدر
الله يعوضني مادام البعد عن عيني خذاك
لو إنْ ماني مسامحك باللي من أسبابك بدر
وإن كان قلبي مع مرور الوقت حن ولا نساك
أبقنعه مالك على كبر الخطا عندي عذر