يا ولي العرش يالواحد الفرد الجليل يا إله الخلق يا رب ياديانها يا وكيل الخلق الاوحد ولا غيرك وكيل مرسل احمد للخلايق بكل الوانها احم داري من هل الشر يا معط الجزيل احمها يا مرسل الريح من عدوانها مملكتنا مبعث النور ياضاع الدليل تنفتح للخير وقت الوزى بيبانها مملكتنا نور الاسلام كان الغرب ليل ياتهزهز غيرها ثابت بنيانها مملكتنا منبع الحق لا يمكن تميل والقلوب الحاقدة ما تهز اركانها طهروها اللي لهلها يردون الجميل سورها ياثار عند اللقاء دخانها عزنا آل سعود ما غيرهم باق حصيل والرسايل عندنا واضح عنوانها مملكتنا غاليه مت بغيضك يالهبيل عزها حكامها عزها سكانها مايدنّسها كلام نطق فيه العميل عندنا اعلى من كنوز الذهب فدانها بالقنا حامينها غصب جيل عقب جيل والنشاما موتها عز دون اوطانها السفينه مبحره يا مولعة الفتيل ماهزعها موجها والفهد ربانها مانشدنا عن هل الغدر واعوان الرزيل غشها يسري مع الدم وسط ابدانها جعل من يرضى المعيشة هو نذل ذليل جعل تنعق فوق دار الردي غربانها العداء وش عاد لو هي تشيل وتستشيل اطلقت للريح يوم اللقاء سيقانها ومن يحسب انه غدى راس صار اليوم ذيل عقب ماهو فوقها صار حدر بطانها امنا والله فلا غيرها نرضى بديل يحتضنا صدرها والغطا ذرعانها دونها نروي شبا الزان والسيف الصقيل مرخصين ارواحنا كلنا من شانها دار ابو تركي حكمها على جيش وخيل لين طهّرها من اللي تعبد اوثانها واستراح الشعب عقب الكسافه والرحيل ذيبها من هيبته سارح مع ضانها لين ساد العدل فيها بعد ظلم وميل وبالكرامه والمعزه يعيش انسانها للغريب الملتجي فيها ظلاً ظليل دارنا دار السعد ملتجى صدقانها من نصاها بالوفى مالها ندل ومثيل ما تخلت يوم والا غزت جيرانها خادم البيتين له موقف يشف الغليل والسوالف من بعضها يجي برهانها عن كثير القول يكفي وكاده والقليل دارنا في ظل حكمه شمخ عمرانها وعاش ابو متعب عمى عين مقرود يعيل اشهد انه يوم شال الامانة صانها راسين مثل الجبل ساعة الخطب الجليل المراجل ما سكن راسها بعنانها وعشت يا رجل المهات شيال الثقيل ياذراها ساعة الضيق يا سلطانها عند بيتك للضعافي عن الرمضى مقيل دام عزك للمساكين يا مزبانها يا معدّل ميل الايام يا ضاق السبيل واختفى زود الليالي ورى نقصانها فرحان بن قيران بن هندي العنزي
