خوي الشعر

ما للمشاعر غير صدقٍ وبرهان
وحروف شعرٍ فاقت الجاذبيه
هذا الصحيح وكلمة الصدق نيشان
كلمات تكشف واقع الأبجدية
يا من غلاك ألوان وأشكال وألوان
يا جمل متاهاتي وسر الهديّه
الشعر حان وتو ما هاجسي حان
يوم إن كلٍ عارفٍ من خويه
أنا خوي الشعر في كل الأزمان
يا ما تسامرنا بدار خليّه
فعلاً غلاك أهم من دمع الأحزان
تعال أعلمك العلوم الخفيه
من قلب يا سيد الرعابيب ولسان
لك شرهةٍ تلغي جروح وخطيه
لجلك كتبت الشعر راضي وزعلان
مسحوب وهجيني مع السامريه