المقناص

يا ما حلى المقناص والبال شفقان
وخوة رجال يبعدون الهقاوي
طربان أنا لخوة هل الطيب طربان
في أرض هواها ير روح الهواوي
لا ناحت الورقا وعوى الذيب سرحان
في الخايع اللي ريح عشبة يداوي
تلقى أم سالم فيه تلعب بالألحان
تجر صوت مثل صوت الجلاوي
هيمان أنا لهد أشقر الريش هيمان
ليا شهر يجيك بالصيد ضاوي
يتوق له قلبٍ على الصيد ضرمان
وبشوقته تستر عين النداوي
غلطان من سب المقانيص غلطان
ما يعذرب المقناص رجلٍ خلاوي