كبر وغرور

سر يا قلم واكتب عبارات وسطور
وسميت باسم مكون الكون سميت
بنات فكري جالها احساس وشعور
ولاجن. وداجن فثي ضميري وغنيت
من شي شفته ياهل العرف مقهور
شي اثار احساس فكري وونيت
بعض شباب الجيل ماهو على نور
يمشي على العميا ظلامٍ وتشتيت
عن ذكر ربي صايبه كبر وغرور
وعن طاعته قلبه معود فتافيت
الا ومع ذا حط فالجيب مالبور
ومربي القصه.. وحط التواليت
يتابع اهل الغرب شهادة الزور
اللي يعبدون الوثن والطواغيت
من الليل لين الصبح يفتر ويدور
والا النهار تقول مضروب بفليت
كسر حياته كسر عظمٍ بساطور
ماهمته سمعه ولا همه الصيت
يالله ياللي تجعل العسر ميسور
يا هازم الاحزاب يا حامي البيت
تقي شباب اسلامنا كل محذور
يا هازم الاحزاب يا حامي البيت
تقي شباب اسلامنا كل محذور
ويالله تثبتهم على الدين تثبيت
وعد النبات اللي من الوسم ممطور
يالله تغفر زلتي كان زليت
وعداد مارفن جناحين عصفور
يا لله تقبل دعوتي يوم ناديت
وصلوا عدد ما تنبت الأرض بزهور
على النبي عداد ما اصبحت وامسيت