عادل سديد الرأي صارم ندي يد

ياوالله اللي غبت يا معرب الجد
يا درع دولتنا وحامي حمانا
كم عايلٍِ حطيت يا مير له حد
صديت كيدٍ حايكينه عدانا
بالحكمة اللي مدك الله بها مد
درت المهام وطول عمرك تفانا
خدمت بيت الله واوفيت للعهد
من دوننا ما فيه يومٍ توانا
عادل سديد الراي صارم ندي يد
واضح ولا تثني كلامك بيانا
حاني عطوف وسيل ودٍ على ود
زرع الوفاء يومك غرسته رعانا
هذا الوطن هو قمة العز و المجد
لو له لسانٍ قال وينه ذرانا
ولو له مدامع والله ان تنفطر نجد
تبكي فراق اللي فعوله سمانا
معشوقها والعشق عشقٍ بلا حد
يالله تصبرها و تحسن عزانا
يا والله اللي غبت يا معرب الجد
يا درع دولتنا و حامي حمانا
شالح بن زيد بن بريدان القحطاني