سيتم حجب هذه الصورة تلقائيا عندما يتم الإبلاغ عنها من طرف عدة أشخاص.
عثرات الشعراء شاعرة الحب وهدية الشعر في فصل شعر الهباب في كتاب «خرطي القوافي إذا هبت السوافي»
سحايب خير تغير على كيفها.. وورى ماتصير سحايب صيف!
الجازية هدية الشعر المثبتة.. لاتوحد القافية ولاتعرف معنى الكلمات؟!
تصدقون اني بطران.. بطران.. بطران.. تدرون ليه لأن الناس كلها تبي تعرف من انا.. وكذلك «اصدقاي» واقصد منهم واحد او اثنين يبون ينفون انهم انا.. مع ان الناس قامت تجزم عليهم.. وايضاً لأني بردت كبود ناس واجد ماتحب الغث وتبي الشعر ولا ينسمع كلامهم.. اقووول.. ماعلي من الحكي اشهد اني وليده.. وش رأيكم فيني الاسبوع اللي راح.. أجل خذوا هالاسبوع اليكم «شاعرة الحب التي هي قادرة على زلزلة في قلوبنا...» هي سحايب خير فاليكم سحايب صيف الشعر اقصد سحايب خير: من سلايل شيوخ ماضيين الافعال بالمواجه لياصار النهار اعتمه لا لا.. تستعجلون بعد فيه بيت ثاني: كل ماجيت اعاتب قال والله اشغال يعتذر لي عتابي عند عذره اكتمه اقول.. تقولون والا ماتقولون.. مايمديني امشيها عجزت تصدقون طمرت الصفحه مادريت الا انا راجع لها ثانية ذاك اليوم كن المجله.. دوار.. كل ماتعديتها رجعت لها.. «دقد دي.. دقد داه» لو كتبت كذا كان ينبلع مثل فروحه.. المهم ان سحايب في فصل الانواء من كتاب «خرطي القوافي.. اذا هبت السوافي» باب الشعر الهباب.. يا جماعة البيت الاول والشطر الأول والكلمة الاخيرة بالذات لايستقيم الوزن حتى نقول «ماضيين الافعال» الا اذا كانت خطأ مطبعي فجايز والطباعة تحدث خللاً مثل هذا.. اذن البيت الثاني الشطر الاول لايمكن (noway) يستقيم الوزن الا «والله شغال» يعني والله اشغال وهذي كلمة ولا بأي لهجة من لهجات الجزيرة والعراق والى مصر.. وهذا دليل كسر.. عدوا معي وروحوا للشطر الثاني وبالتحديد «عند عذره اكتمه» يا جماعه انا ما افهم يعني والا ايش.. السالفه!! من اجاز.. هذا الخرطي.. لازم تقول «عند عذر اكتمه» بدون الهاء والا هذي خطأ مطبعي بعد.. اقول والله يالاخطاء المطبعية شماعة لأي واحد مع ان هناك اخطاء واضحة.. وشي ينترقع.. وشي ماينترقع.. عندي اقتراح بدال ما انتي سحايب خير.. خليك سحايب صيف علشان لو تكسرين نمشيها.. وهيله يا رمانه..
لحظه لاتروحون.. بالله ارفع راسك وانت تقرأ الجريده ترى بيعورك ظهرك لأني لسا مطول والا ارفع الجريدة عند عيونك.. ترى مانيب ساحر بس اعرف كل شي.. «جابر شايف نفسه» تعالوا اقرأوا المقدمة «شاعرتنا الكبيرة الجازيه.. الجازيه تثبت لنا يوماً بعد يوم انها هدية الشعر لنا في القرن الجديد..» شاعرتنا الكبيره.. والكبير الله سبحانه.. وهدية الشعر.. هدية ايش هدية الشعر ومتى بالقرن الجديد.. وايس بعد تثبت لنا يوماً بعد يوم.. وش تسوي.. تثبت لنا!! الله.. الله.. هالحين وانتم معي في الفورمة والا.. لا.. شاعره وهدية الشعر وبالقرن الجديد وتثبت لنا.. اذن من ابسط الاشياء ان توحد قافيتها وتضبط الوزن هذا اذا كان معناها جديد وصورها رائعة تعالوا تقول هدية الشعر المثبتة للاخوان الفاهمين: شفتها تقرا تتمتم رحت اتمتم معها افدحت فيني غلا وافدحت فيها فرحه يوم فلت وشوشتها ماحدن ينفعها غير جازي اخجلتني يافديت السمحه طبعاً مشيتوا بالبيت الأول كنكم في (هاي وي) ومسرعين وفجأة والا تقاطع بخط سريع بدون اشارات.. وذلك اسبابه القافية الرائعة.. قلت لكم هدية شعر ولاتوحد القافية.. ومثبتة وشاعرة ماعليها كلام.. اجل اللي تكتب صح وش تصير هذي نظمها للمعلقات.. قافية قصيدتها هي فرحه.. سمحه.. صرحه.. بشرحه.. جرحه.. الشرحه.. والحقيقة لا ادري مامعنى الشطر الاخير بقافيته الشرحه هل هي «الشرحه» اي «هذا المكان شرح» اي لطيف ومبهج ام «الشرحه» هي الابتسامه العريضة وهذه مصيبة ولا اعلق عليها!!!!! شفتوا اني صادق.. مع العلم ان هالقصيدة في باب الشعر الهباب.. وانت ياصديق ياللي كاتب المقدمة.. «ايس فيه كلام» «انتا مافي معلوم شعر مافي اكتب قرقر كتير». احترام: اعزائي المتابعين الذين غمروني برسائلهم الالكترونية ارجو منكم بان من يريد ان انشر رسالته لي بان يرسل لي موافقته عليها.. لكم كل الشكر.. واليكم كل الوعد بأني مستمر ان شاء الله اقدم مايمليه علي ضميري اولاً وما اثق بأني محق فيه.. ولست ممن يثارون لاهداف شخصية والسلام ورحمة الله وبركاته «مايغط النور رجلٍ فيه غيره».. خلف بن هذال. تهديه: الوعد الاسبوع الجاي ولين انتلاقى.. لين انتلاقى.. ياحبيبي.. على خير.. الله يصبرنا على حرقة الشوق.. اذا الشعر لم يهززك عند سماعه فليس حرياً ان يقال له شعر جابر [email protected]
