ورقه قديمه

يا الله يافراج ياوالي الافراج
يامبدل عسر الليالي بليني
تفرج لمن بيته على راس مسهاج
على خلا ماكن حوله قطيني
ياما حلا اليا سرى كل هراج
يازين خبط ركابهم هاشليني
هليت فيهم قبل يثنون الادراج
من خاطر ما فيه كنه وشيني
منارة يرمى حطبها بالارواج
نار سناها يجذب الساهريني
معها دلال فوقها البن قد راج
واربع طباخ تقعد المضرميني
دلال بيض لونها يلعج لعاج
ونجر بحسه يجذب الغانميني
سريت يم مربية سمر الانعاج
اسوم بالواجد وقلبه حزيني
لاقمت ازيده بالثمن قال محتاج
هذا ولد شاتي كبير سميني
واخذتها مالي على العذر منهاج
يا الله ياالمولى لمثلي تعيني
سوالف لين اول الصبح ينباج
تلاوذوا بنحورهن سارحيني
راح الشحم معهم يعجعج تعجعاج
مخضبين رقابهن من يميني