هذه القصيدة مرثية في الخال غازي بن ماكن بن محسن السبيعي-رحمه الله رحمة واسعة. البارحة ما ذاقت النوم عيني أنا ومحسن ليلنا ما رقدناه ومنصور بن غازي ومشرع حزيني على الذي مات بعفيف ودفناه وفرج ولد مشرع صفق باليديني واخوه ناصر حطم القلب ببكاه وجاسر دموعه مثل وبل الغشيني وعبدالله الماطر وبتال ينعاه وماكن ولد بتال والحاضريني محدٍ بخل بدموع عينه وبدعاه عزاي للحضار والغايبيني للي يعرفونه وداني دناياه وللخال مزيد يالله إنك تعيني عزي لبو ناصر من الحزن عزاه الموت حق وكلنا عارفيني ولا ذكر حيّ قالوا الموت خلاه خالي فقيدة ربعه الغانميني كل الصفات الطيبه من مزاياه خالي وأعده ثالث الوالديني بروح من دنياي ما والله أنساه من زود وجدي باح خافي كنيني ولالي جداً إلا أجاوب الذيب بعواه لو البكا ينفع وكثر الونيني بكيت ثم ونيت من حر فرقاه يا الله ياللي تبعث الميتيني اطلبك تغفر له وتدمح خطاياه وان ترحمه يا ارحم الراحميني عسى العوض له جنتك عقب دنياه مرحوم أبو منصور هيف السميني لا عاد يومٍ فيه خالي فقدناه وعلى محمد سيد المرسليني صلّوا عدد من بان بالأرض ماطاه
