إنت القمر

ياللي زهيت الماس بالجيد والشال
لا تحسبن الماس زادك جماله
الماس ماشفته بعقدن وسلسال
الماس من خدك يزيد اشتعاله
والصبح ما شفته على روس الاقذال
الصبح من وجهك يبين انفعاله
وانت القمر مسراك يشرح لي البال
بدرن يشوق العين ليلة كماله
والبرق ماشفته على مقدم اخيال
البرق بقدومك يزيد اجتواله
شوفك وصوتك مثل همال همال
مزنن قراحن غيث قلبي زلاله
وانته عديل الروح ماهوب الاموال
والا تفوق الروح في كل حاله
ماغيركم بالقلب يذكر وينقال
انت الوحيد اللي بقلبي لحاله
بنيت لك فالقلب ملكن ومنزال
ملكن على غيرك صعيبٍ مناله
من طاولك بالزين يازين ماطال
ما طال زولن بالجمال اكتماله
ياماضي سنيني وياعمري الغال
يحفظك ربي في نهار ولياله
الشاعر/ حشر بن عبدالمحسن بن حميد