الفرح والسعادة

اقبلت بعد غياب الافراح واعطيت
قلبي تباشير الفرح والسعادة
عيشتني حلم واماني وتليت
قلبي لجوك واستلبت الارادة
ليتك قبل تغزو لحاسيس وتبيت
داخل عروقي جيت خذت الافادة
عن خافقٍ يا كم تعنى وانا ازريت
اعيشه تحت الضلوع بهوادة
وعن دنيتٍ ما جت على ما تمنيت
ولا ذقت منها غير هم ونكادة
ويوم اشرقت شمسك بجوي تهنيت
وتبسمت روحي على غير عادة
احييت شيء مات مبطي وجريت
من داخل الذكرى لحون الابادة
اخذتني مني وانا قمت واعطيت
طيفك واحاسيسي زمام القيادة
قلبٍ نبض بك كان قبل اعرفك ميت
لا سره الواقع ولا الحلم فاده
طال انتظاره تحت جدران يا ليت
يحلم عسى الاحلام تبلغ مراده
وعقب استقر الياس بالقلب مريت
وقدمت لي شرب التفائل وزاده
مشكور ياللي في ظلالك تفييت
من لاهب الحظ الردي وعناده
- بارعة