نفسٍ حشيمه

الرجل لامنه كذب وأخلف القول
ما عاد له عند الرياجيل قيمه
والصدق نور وصاحبه دوم مقبول
في العصر هذا والعصور القديمه
ولا ينوخذ هرجٍ على غير مدلول
من يدّعي به ما يذب الخريمه
والمجلس اللي يجمع الصور والحول
مامنه عز وبعده أكبر غنيمه
واليا عزمني صاحبه قلت مشغول
ونحرت لي فجٍ يذعذع نسيمه
أبعد مجالي عن عزيمته وأقول
لا خير بالعازم ولا بالعزيمه
والله ما اهين النفس لو عشت معزول
والهون ما تقبله نفسٍ حشيمه
- الشاعر/ خليل بن هدلان