بطل القدرة يذوب في العيون

سمو الشيخ الفارس الشاعر محمد بن راشد آل مكتوم وقصيدة نقشها الفارس في عيون من تخلع قلوب الرجاجيل:
خففْ كحل عينك ترى عيونك وْسَاع
رد النظر عنهن وفيهن مهابه
لو بَرقت في راهب العلم يرتاع
وبطرفها تجذبك شدة جذابه
شطين والرّمشين فيهن وسط ضاع
منها فؤادي ذايب في عذابه
تخْلَع قلوب الرجاجيل نِزّاع
واللي يعاتبني اضيّع عتابه
واذا جرى منهن بلا قصْد لَدْمَاع
تحسّ ان الأنس مقفول بابه
وإذا اضحكن يرفع لكْ السعد لقناع
كن الفرح فوقك تناثر سَحابه
ياعين فيها كل زين بالإجماع
أهديك من شوقي ووجدي شَبابه
عين بليّا كحل تامر وتنطاع
وعين تسال ولا تحَصّل إجابه
وعين فيها جمع نشْرٍ وينشاع
فيهن لطافه والرّضى والرّحابه
فكري على حبك نواياه نَزّاع
مثل الرحيق بشوق شمّة صحابه
ساري سرى بي وآسرالجسم ف يساع
عنيد تفكير الهواجيس جابه
بين الشعور عْنَاد وخْضُوع وصْراع
ومطوِّع احْساسي وقلبي رضى به
وأهديك شعري والبصاير والاسماع
وأهديك ثم أهديك وما ينصخابه