جعل فوق القبر نبت الخزامى زهور

شح وجه الليالي والسنين الدهور
لو عطينا الخوالي ما هدتنا بديل
القوافي على ضلع المحاني تثور
عفت زادي وشربي واحتسا الزنجبيل
شاعرٍ من همومي غوص كل البحور
مرهف الحس عندي مجلسه لي زميل
آه شعري في دمي من وريدي يفور
فورة اللي ما صدّق في فراق الخليل
ضاق صدر المواطن فاح مثل القدور
القوافي بكت حزن القصيد الجزيل
آه مات الهرم هز الوطن والقصور
نايف الداخلية قاهر المستحيل
يا ضواحي الدواسر يا الشموخ الغيور
مات نايف وخلى لب قلبي عليل
يا حياة الشقا نايف في وسط القبور
الوزير المبجل في علوه طويل
سيدي يدحر الإرهاب وأهل الفجور
راح صوب المقابر في لحدها نزيل
فاتح مكتبه حتى يمد الجسور
التواصل سجايا من طباع الأصيل
يا ولي العهد ما جا في يدّك قصور
يا الكريم النداوي تقهر اللي بخيل
والله أني أحبه والخفوق مخطور
بس صبري عزايه مثل عابر سبيل
امتحان الليالي بين دنيا العبور
لآخره هي مقره كوثر السلسبيل
جعل فوق القبر نبت الخزامى زهور
ريحته هللت عند الضريح النبيل
اغفر ذنوب نايف وأنت ربي غفور
يا إله السما رب الدعا والدليل
يا سعود ومحمد يا الشيوخ الحضور
ادعو ادعو عسى قبره ظلال ظليل
والرثا في سموه ما يكفّي شهور
الرثا في سموه ما يوفّي الجميل
سهل محمد بن شوية الدوسري
وادي الدواسر -الكلية التقنية