مطلق الثبيتي

شاعر وأكثر من صورة

يالله يافارج هموم ٍ ليا جن
ياواحد ٍ فوق السماوات عالي
افرج لمن كنّه على اللي يقالن
جمر الغضا لازاد فيه اشتعالي
****
نقاء
أختار سمحات الدروب النظيفة
اللي غسلها رايح المزن برشاش
يمشونها قوم النفوس الشريفة
اللي ضمايرهم نقية كما الشاش
****
نقش
ياناقش الحنا على صفحة اليد
حبك نقشته في حنايا فؤادي
على قفا يمناك حاني ومسود
وانا على عيني سواة السوادي
****
طاروق
غنيت من زين الطواريق طاروق
قاف ليا قلته تنشط طروقه
لعيون غرو يشطح الشوق من فوق
يا جعل ضدات الدهر ماتعوقه