خفقة

يوم مالي من كفوف الحبايب سلام
في رجا موعدٍ بين الظروف اختنق
الليالي تمنّيني وأنا مستهام
ما نبت في جفون السهد غير الرهق
ولا ظهر في سطور الشعر غير الملام
صاحبي وإن تلاقينا متى نتفق
إنك إنت أول أحبابي ومسك الختام
عاشقٍ مر في ساحل هواك وغرق
ما تهيا له إلاَّ نظرةٍ من غرام
وينها ضحكةٍ عني حجبها الشفق
شمسها غايبه لو ما تعرف الظلام
وانت ما شفت لي قلبٍ عشق وانسرق
تلّه الحب لين أمست ضلوعه هدام
طير حبٍ دعيته للغرام وخفق
هي حلالٍ سواتك فيه والاّ حرام
الشاعر/ ضيدان المريخي