لا يمكن يودعني

جواهر السديري ونصّ مفعم بالحيوية والحرفة الشعرية
ابي حبٍ يزلزلني وأبي لهفة من الأشواق
وأبي دنيا عبث شاعر عن الواقع تضيعني
وابي قلبٍ من الغيرة هو المسروق والسراق
وابي كفٍ من الهفة ينثرني ويجمعني
وأبي من ثورة اشواقي شعورٍ ما يعيش افراق
اهيم بعالمٍ مجنون وما به من يخادعني
وأبي عيني تجي بعينه وأباسرح داخل الأعماق
وأحسن انه يلاقيني ولا يمكن يودعني
وابي لا من مسكت ايده تعديت القمر بافاق
والا مني طلبت أصحى امانة لا يطاوعني
أبي صدق المشاعر لا صغر صدر الزمان وضاق
فتح لي بالرضى باب كبرهالهم ياسعني
أماني كل ها الدنيا وهاذي حالة العشاق
خيالٍ عشته بليلي وبان الصبح ووجعني
انا ماكذب على قلبي واحس بكل ذا الأشواق
واحس ان الوفا دايم اذا قفيت رجعني
جواهر السديري