الجوهر الغالي

الشاعر الجزل الأمير خالد بن سعود الكبير وآخر بوح القوافي الرائعة:
يالجوهر الغالي ويا صافي الماس
اسمك على صدر القصيدة رفعها
نادر حلا مالك شبيهٍ من الناس
صوّرك ربي صورةٍ وابتدعها
من أخمص أقدامك إلى هامة الراس
فيك المحاسن واللطايف جمعها
من يوم شفتك تلتفت لي وأنا حاس
بالرميه اللي تحت ضلعي وجعها
يا سيّد الأحباب يا عذب الأنفاس
العين حاربها الكرى من ولعها
متى تجينا تبري الجرح جسّاس
جسّتك للنفس العليله طمعها
مثلك فطين وتلمح القصد حسّاس
لا تذبح اللي عبرته ما دمعها
الشاعر الأمير: خالد بن سعود الكبير