ليل جدة

ليل جدة
ليل غارق
ليل سهران يغني
ألف ليلة وليلة
والشوارع تحتضني في صخب
وأحتضنها ...
وتنفجر فيني تعب
في سكون الليل ,,وعيون المدينة
في شواطيها الحزينة
أرتمي فيها وأغني
أغنياتي ...
أمنياتي ...
كل أحلامي وجراحات السنين
يا شوارع جدة الليلة سهر
يا ثريات الذهب
بين أرصفة الشوارع
يا العيون الغافية ليل وهدب
قبل أجي لك
كنت أحبك
وبعد ما جيتك وشفتك
صرت أحبك
فيك يا جدة تنام الشمس , ويغني البحر
ومنك يا جدة يغار الشعر ...
ويغار القمر
والشوارع وسط جدة
شكل ثاني
والأغاني ...
في مسا جدة ما هي مثل الأغاني
وللتسكع في شوارع جدة الليلة مذاق
.كلحاجة فيك يا جدة ,
لها طعم ومذاق
كل حاجة فيك حاجة ثانية
وأشهى مذاق
فيك يا جدة يصير الحب أجمل
وفيك يا جدة
يكون الليل أطول
آه يا جدة ويا أحلى وطن
.ياعروس البحر يا بنت النهار
انتي حورية سكنتي
في خيوط الفجر ...وعيون البحار
منهو مثلك
انتي يا جدة يصير
شعر سابح
لا لمسه الريح يستسلم يطير
فيك ألمح بسمة أمي
ضحكة أخواني وأبوي
انتي عمري ...اللي راح
وانتي عمري ...اللي جاي
انتي ربعي وأصدقاي
انتي يا جدة خيال
يا أميرة ...
فوق صدر الساحل الغربي غفيتي
يا جُمانة ...
من بحور الغيم والعشاق جيتي
منهو مثلك
انتي يا جدة يصير
ليل جدة
ليل سابح
ليل غارق
ليل غافي
يحتضن أحلى السوالف
ويختصر كل القوافي