شموع مضوية

محبين مجتمعين وشموع مضويّه
وعلى كل جلسه ورد وقلوبهم أمطار
سقوا في تلاقيهم مواعيد منسيّه
وسال العتب بقلوب عشاق مع وش صار
تناهيدهم صارت وجود وضروريّه
لهم والمسا غافي، قمر والنظر مسمار
يودون همسات اللقا، تثبت شويّه
خذاهم سفرهم شوق لو ماحصل مسفار
على نار اشوفك، وين ؟ لو ماحصل جيّه!
كريمين يهدون السهر ماحوى المحار
على رغم هذا يلتقون الهواويّه
وانا وحدي امشي والبحر يتعب البحار
كذا ؟ يازمن وشفيك مابك محنيّه
صغيره هي اللحظات حنا ماحنا صغار
كبيره جروح الشوق وآمالنا حيّه
نعزي بعض في قول هذا الزمن دوار
لو ان الزمن مادار لكن على النيّه
مقادير هذا الوقت صعبه وذي اقدار
متى؟ كيف ؟ مدري ؟ ليه الاحلام ليليّه
الشاعر -
هادي الجنفاوي