بصمة ناعمة

والله يجبر خاطره.. لو تبيعه
الله يجبر من عطاك وتمناك
وانت تعيش بدنيتك هالوسيعه
ماقد طرالك حاجته يوم ينصاك
يجيك عاني خطوته لك سريعه
ماهمته قول العرب حبه اشقاك
يخاف في بعدك تصيبه فجيعه
يجيك ما يسأل بذولا.. وذولاك
في خاطره لوعه ونفسه.. تطيعه
لا تغدره ما مر يوم تناساك
ولا تخذله لو الهوى لك ذريعه
لا ترخصه دامه يحبك وداراك
هذي ترى بالحب اول شريعه
اللي سعى لك حب مد له يمناك
واللي سعى بالبعد خله قطيعه
بنتهم