الكنز

هي فرحتك ياللي على الروح غالي
لأجل افرحك بألف بالارض وادور
واحاول أصل شيء فوق الخيالي
بسمتك عندي كنها اشراقة النور
وكني بها وفيت كل المنالي
والعله اللي عاندت كل دكتور
ليا ابتسمتي مالها ايا مجالي
يا كنزي اللي دونه اعيش مقهور
وشلون ابنسى عطفتك والدلالي
مهما كتبت الشعر بسطور واسطور
ماني موفي شيء لك بالكمالي
ومهما فعلنا صوبنا قصور وقصور
ياللي سكنتي بالنجوم العوالي
ولو جيت لك بالعذر ماني بمعذور
حق علي افديك يا راس مالي
وصابك اللي ما هرج هرجة الزور
ثلاث مرات ذكر بالتوالي
ياللي حملتيني على تسعة شهور
ورضعت من در القراح الزلالي
افديك في عمري ولاني بمشكور
واجب عليه يا بعد كل غالي
مرضي الخمعلي