نشرنا في عدد الاسبوع الماضي لغزاً كتبه الزميل الشاعر/ناصر عبدالله المسيميري وكان نصه: ويش شي كل ما شافن وشفته ضاع راسه ياجماعة في مداسه لاتقول إنسي ولاجني.. صدفته لويعيش دهور ماغيّر لباسه وقد جاءت الحلول الصحيحة المكتملة من حيث البناء الشعري وصحة الحل كما يلي: ******* الجزيرة لغزها لو ما عرفته «فايز الحيلان» له رمعه براسه قال ذا «القنفذ» حسب وصفٍ وصفته قلت هذا صح ما يبغى دراسه سالم مقبل الغرابي القيصومة ******* يا لمسيميري ترى لغزك كشفته يوم دنيانا تدرسنا دراسة لغزك القنفذ ليا منك حذفته ما نميز به يجي فيه احتواسه محمد تركي الغبيوي أبو جلال ******* مرحبا بك يوم زينته وحفته والمعاني بانيات فوق ساسه من بحور اللغز معناكم غرفته حله القنفذ ولاتعبني غطاسه شاهر الشيبان ******* يا لمسيميري ترى لغزك عرفته واضح المعنى ولا يبغى فراسه حل لغزك للجزيرة قد كشفته ذاك اهو القنفذ ترى شوكه لباسه هندي بن ثابت الغياثات الأفلاج ******* أشهد إنك يا لمسيميري وصفته جاد وصفك ياعميلي في غراسه حله القنفذ قريته ثم عرفته نبعثه لأهل الجزيرة في حماسه محمد عبدالله عوض الفريدي الحدود الشمالية ******* جاك مطروق على كيفي صرفته دارس معناه بالحكمة ادراسه يا المسيميري ترى لغزك عرفته قنفذ يضفي عباته فوق راسه نافع الحربي الرياض ******* حلّ لغزك يا لمسيميري عرفته والمعناتي نقضها فهم وفراسه )قنفذ( لوجاك ساري ما حذفته منظر المسكين عنوان التعاسه صويلح بن عبيان الشيباني الرياض ******* من قريت اللغز ياناصر عرفته واضح كالشمس مايبغى فراسه حله )القنفذ( وأنا من يوم شفته ضاع راسه بالسنافي في مداسه محمد ناصر الزيدي الرس ******* من قريت اللغز ياناصر عرفته وانت شاعر تحبك اللغز بفراسه وحل لغزك للجزيرة لو كشفته قلت «قنفذ» تبخص الحيات باسه عطاالله بن سليمان العطاالله الزلفي ******* يا لمسيميري ترى لغزك عرفته دون ترديد وتحاليل ودراسه من بيوته يابو عبدالله كشفته قنفذ شوكه كما شوك الهراسه خلف غالب الحربي الرياض ******* الغريب اللي شغل ناصر كشفته مانحاني عن مدى عرفه حراسه زان لي مرماه عن بعد وحذفته وأصبح القنفذ لك الله هو مقاسه فهد الجروان الزلفي ******* مرحبا ياشاعرٍ لغزك وصفته في تراث للنشاما والوناسه ويا المسيميري ترى حله عرفته «قنفذٍ» شوكه علي جلده حراسه محمد بن مريقب السويدي حائل ******* المهم الحل من قولك عرفته عارفينه بالتجارب والفراسه كنه القنفذ ليا منك وصفته في ظلام الليل ماعنده وناسه علي رشيد الرشيد رياض الخبراء ******* لغزكم ياناصر من يوم حفته اتضح لي الهدف واشوف راسه حله القنفذ واكيد إنك عرفته شوكة القنفذ أحد من النحاسه مبارك بن محمد آل زنيفر العجمي الرياض ******* ظني أني يا لمسيميري عرفته كان حل اللغز يا لشاعر فراسه الحيوان اللي ليا شفته وحفته قنفذ في وسط شوكه ضاع راسه عبدالله سعود العبيوي الأرطاوية ******* لغز ناصر وإن صدق ظني عرفته نطلب الله ما تضيع اليوم طاسه لويلف اللغز معلوم وكشفته «قنفذ» شوكه على جلده حراسه مشاري خالد الدعجاني شقراء ******* حي شعر يا لمسيميري عسفته غاطس باللغز مطروقه اغطاسه لغزك القنفذ حسب ماعنه وصفته وحسب ماقلته نفصل لك مقاسه خليف الحربي الرياض ******* مرحبا والحل ظني ماعسفته وان حصل فالحذر يسبقه التماسه أعرف الشيهان )والقنفذ( عرفته مستحيل القنفذ يغيّر لباسه صالح العمري بيشه ******* الذهب ياطيّب المذهب عرفته ماعلا بابه من المعدن حراسه والسراب مضيقٍ صدري وعفته بالمضامي ينتشر هم أو تعاسه وأنت ماقصرت يوم انك كشفته شفت رجل القنفذ أوعينه أو راسه محمد عبدالكريم الغربي الزلفي ******* واضح الإبداع في لغز وصفته يابوعبدالله عسي أيامك وناسه قصدك القنفذ بلا شكٍ عرفته لانظرته حط راسه في مداسه صالح عبدالله الزرير التميمي الرس ******* حل لغزك يالمسيميري عرفته مابغى مني كثير من الفراسه ذاك قنفذ يوم شاف أني كشفته عند رجليه ويديه حط راسه منصور بن عبدالله المجيدل الرس ******* اشهد إنك يا لمسيميري وصفته واضح صنفه وثوبه واندساسه لو يجي من قدم بابك ما كلفته قنفدٍ على لباسه للتعاسه مبارك العتيبي حائل ******* ناصر أنت اللغز لا منك وصفته يستريح الكل من شر التباسه وأنا ضمن اللي عرف حله عرفته حله القنفذ وشوكه له حراسه نايف محمد الأسيد القريات ******* عايشٍ في لبسه اللي به وصفته في الحياة إلباس من نوع الحراسه ماتشوف الجنّي والأنسي عرفته فيه خير وفيه شر وبه نحاسه محمد علي السالمي رفحاء ******* يابوعبدالله ترى لغزك عرفته ناصر المنحور يامكثر جناسه «قنفذاً» لا من تقربته وحفته وقف الممشى وقام يخش راسه عبدالله مبارك المصاري الحيانية ******* ناصر تشكر على لغز كتبته فاهم الشعر ماخذته دراسه يالمسيميري ترى لغزك عرفته قنفذ لاشاف زول خش رأسه سعد الكثيري الحريق ******* أجزم إن الحل ياناصر كشفته واعرف الموصوف يبغي له سياسه امسك القنفذ إلى منك صدفته واجدعه بالماء تشوف اشلون راسه حجي بن سليمان الحجي الأحساء ******* يا المسيميري لغزكم واضح وعرفته ما يخفى على الفهيم التباسه هذاك القنفذ وين شفته يسرى على ظله في وقت الدماسه عبدالله عبدالعزيز الجلعود حائل ******* كلمتين ببيت شعر لك وصفته لك يا ناصر ماتبي شرح ودراسه لغزك اللي بعد تفكيري كشفته ترى «القنفذ» في مداسه حط راسه زايد ونيس الحازمي طريف ******* مرحبا باللي من اسلوبه عرفته واضح نهجه ولايبغى فراسه ولغزه اللي صاغ في ساعة كشفته «قنفذ» لا شاف زول ضاع راسه محمد بن حمد البرر الزلفي ******* مرحباً وأهلاً بمن لغزه كشفته شاعر الألغاز محتل الرياسه ناصر القنفذ يطابق ما وصفته والنهاية ياعسى عمرك وناسه محمد عبدالرحمن التركي
