نشرنا الأسبوع الماضي لغزا كتبه الشاعر ناصر المسيميري يقول فيه: يابنت ياللي منزله بالطويلات تنزل خطر في ماضيات السيني تمشي ولا تقطع بمشيه مسافات وان ركبها الراكب تجر الحنيني وإليكم الحلول التي وصلتنا: ناصر يذكرني سنينٍ قديمات يوم العرب تنزل على الماء قطيني ذكرني المحالة يجي لها أصوات الياركبوا للسانيه وارديني فلاح صالح الدغيم يوم المسيمري تفنن بالأبيات وينشد الشعار والعارفيني اللغز واضح والمعاني جزيلات ترى المحالة حلها يالفطيني مشعل فلاح الضبيب الزلفي يا مرحبا باهل العلوم الطريفات اللي لهم بالمجد سلك متيني ترى المحالة فالسنين القديمات تصرخ يصوت يقعد النايميني فهيد البقمي الأحساء اللغز ياناصر عرفته بلحظات بلحظة عرفته ما يبي ساعتيني وخذ الجواب الجزل خل الهزيلات والبنت محالة تجر الحنيني عبدالعزيز حسين الشمري اللغز حله ما يبي له حيالات تظهر اذا صار العرب معطشيني محالة يسنى بها وقتها فات والحمد لله عقب هاك السنيني فهد عقلا السند الشراري طبرجل أهلا هلا باللي يجيب الجميلات الشاعر اللي جاب لغزٍ سميني والحل محاله واسوق التحيات لأهل التراث اللي تجيب الثميني منصور عبدالله الزرير التميمي الرس نبي نحل اللغز في عدة أبيات حل صحيح ماهو قول اتخميني النت محاله ولابه مراوات من يجهله نعطيه علم يقيني صالح عبدالله التميمي يا مرحبا باللغز في كل الاوقات كتب على الصفحات لغز ثميني ترى المحاله والرشا فوق قامات تراثنا اللي عارفه من سنيني صالح متعب الغبيوي شقراء اللغز يا ناصر حلوله صعيبات لاشك جاك الحل والله يعيني ذيك المحاله يارجل عصرها فات ياما سقت من مقرعات الحنيني محمد بن ناوي العنزي الرياض لغز قريته وسط صفحة مدارات من شاعر بالعرف عقله رزيني وقت الرشاء قد فات هو والمحالات وجدادنا في وقتهن صابريني هاجد زيد المقاطي المحمدية يا مرحبا اعداد ماهب نسمات في لغز ناصر عارف العارفيني ترى المحالة والرشا وقتهن فات واليوم وقت اللي يزج الونيني شديد محمد المقاطي المزاحمية ناصر ينادي بنت في فايتٍ فات لها مقام ومخطر ما يليني منزالها فوق العدود الغزيرات تسقي العطاش إلى لفوا وارديني سعود بن شنار السهلي الدرعية ياناصر المسيمير اخذ الاجابات حله رمقته حيث لغزك ثميني حله هو المحال في ماضيا فات على قليبا والبدو وارديني شبيب فهيد فهد السبيعي الخرمة يوم المسيميري نشر لغز بأبيات وأعاد ذكرى جدودنا السابقيني الحل يا ناصر ما يبغى له إثبات السانيه تسقي زروع وقطيني عيد مقبول الفليو الشراري القريات البنت يا ناصر تقوم بمهمات يفطن لها من كان قلبه فطيني محالة الناعور في ماضي فات اليا ورد للعد ذود قطيني عبدالهادي فهاد الفرجاني الأفلاج النايفية البدو شدوا للديار البعيدات وخلوا (محالتهم) ببئر الحنيني هذي علوم يا جماعة وكيدات واللي يريد شهود عندي أثنيني متعب بن محمد العتيبي يا مرحبا ترحيبة كبر ابانات أخذ الخبر مني وخذ اليقيني البنت اخذت دورها والزمن فات هذي المحاله والرشا من سنيني خليف الحربي الرياض محالة الفلاح في ماضين فات متربعة فوق الخطر شوف عيني تحن من جر الغروب الثقيلات البئر عبهل والرشاء ما يليني محمد علي السالمي رفحاء الله على مافات لو كان ساعات وقلبي علي الماضي يجر الونيني لغزك عرفته باينن له علامات (محالتن) والحل عندي يبيني سعود بن فراج السهلي الدرعية يا ناصر اللي لك لغوز كثيرات وعادتك حل اللغز في كل حيني واللغز حله جاك منظوم بابيات هي المحاله جعلكم سالميني أحمد عباس الحربي المدينةالمنورة عبر الجزيرة اكتب الرد بابيات من هاجسٍ فكر شمال ويميني محالة زادت حلاها بالاصوات يوم السواني والعرب خابريني علي بن خالد الحمد الرياض قريت لغزك يوم جمعه وهيهات ما يعرف حله غير رجلٍ فطيني تراثنا محالة عصرها فات واجدادنا في سرها عالميني وليد بن علي الحمد الرياض الحل مني يافتى الجود باثبات حلٍّ أكيدٍ وانشد العارفيني شغل السواني بالعصور القديمات ومحالةٍ لاجدادنا الطيبيني عبدالله بن سلمان الناصر الرياض البنت ياناصر ترى وقتها فات يا بينها للي فهيم وفطيني ذيك المحالة لامشت تزعج اصوات مثل الربابة يوم ترطن رطيني زايد المقاطي الغطغط عصر الكرم جانا وعصر البخل فات والقول واضح لو هو ما يبيني ندرج محاحيل السواني بخلفات والحل اريده لو هو ما يبيني محمد بن سعد بن غشام القويعية يا مرحبا ترحيب في كل الاوقات بالشاعر اللي جاب لغز ثميني والحل يا ناصر مسجل بالاثبات محالة في وصفها عارفيني ضمن السناني يا مرحبا واهدي سلام وتحيات لناصر اللي دوم لغزه ثميني اللغز واضح معتقد به متاهات حله محالة بئر والله يعيني حاشم خلف الشمري الرياض يا مرحبا ياللي تمثلت ببيات أبيات شعرن نسجهنه ثميني لغزك عرفته ما بحله صعوبات ذيك المحاله يوم وقت القطيني سفر مشبب الشطيطي العمار ولى زمان السانية والشقا فات والحمد لله بدل العسر ليني وقت مضى فيه السواني كليفات وصوت المحالة يزعج النايميني صويلح بن عبيسان الشيباني الرياض بين التراث وبين صفحة مدارات تلقى ظمايا الشعر جم رزيني وإن دار محال العدود الطويلات تقرأ حلول اللغز بينك وبيني عبدالعزيز المناع تميزت بين الصحف والمجلات ما رد ضمايا الشعر جم رزيني وأقول محال العدود الطويلات لغز المسيميري طويل اليميني ثقل البقمي صارت تفاكير اللغز ذي سهيلات والحل محاله ودلو يجيني لامن درج فيها الرشا بالجديلات تون ياناصر بونة حنيني عبدالعزيز ناصر السياري ضرماء عزيل قلبي من طويل المسافات الفاصلة ما بين نجدا أو بيني كن السواني وسط صدري امبنات محالها لا دار جر الحنيني عبدالرحمن بن فهيد الطويان رأس تنورة باللغز يا ناصر لكم صار جولات وقصة مثل هي سلوة اللي حزيني واللغز حله يا فتى الجود ما فات محالة تحت الرشا له حنيني عقيل بن فهيد الطويان رأس تنورة حيا الله اللي محكم نسج الابيات واللغز ملفوف بها لا يبيني محالة لجدادنا عصرها فات والحل ما يخفى على اللي فطيني زايد بن فهيد الخالدي رأس تنورة يا شاعر صاغ المعان الجميلات ومن فيض فكره جاب لغزٍ ثميني وعاد السنين الماضيات البعيدات وعاد (المحالة) يوم فكره فطيني محمد المويعزي بريدة ناصر يذكرنا بوقت مضى فات يوم البداوة لعدهم قاطنيني محالة لا حركت تزعج اصوات يطرب لها من كان قلبه حزيني هندي نابت الغياثات الأفلاج اللغز إله رونق وصنعه وحبكات يصوغه اللي للمعاني فطيني عصر المحالة والرشا فات هيهات اليوم عصر مشجعة لاعبيني كاظم الطائف جا في الجزيرة لغز واضح بالابيات يحكي تراث أجدادنا الاوليني ترى المحالة بالرشا جرت اصوات هي المحالة بالرشا يا فطيني راكان مزعل المزروقي عبلا قديمه من عصور الهلالات عدٍ قديم وماردٍ للقطيني ذكرني الشاعر بصوت المحالات وصفقت بالكف الشمال اليميني فلاح محمد الجميلي دخنة اهلا براعي اللغز مع التحيات وحنا لحل اللغز متولميني صوت المحالة يعجبك بالملمات عاشوا عليها أجدادنا الأوليني موافق محيمد الشراري المدينةالمنورة ياناشدٍ عن بنت في جملة ابيات هاك الجواب مغلفٍ يالذهيني محالة في صوتها مثل ونات خيالها مقطن غزلته ايديني نورة الشتوي البنت معروفة بحاضر وما فات محالة صوته يسلي الحزين الا جرها الساني تزايد بعبرات يركب رشاها فوقها كل حين سعد عبدالله الكثيري الحريق الحل حطينا بداله طرنبات ومحاور ترقا رفيع البطيني ولا الهنوف ام اللحون الحزينات في وقتها ابلت لين جاها اليقيني علي الشعلاني محافظة الزلفي أدلي بدلوي للحلول الكثيرات مكره ودلو بالرشاء المتيني اعطيك حل مع حلول واجابات محالة دايم تجر الونيني علي بن عبدالله الحسيني بريدة يا مرحبا يا كاتب اللغز بأبيات ترحيبة جت من يسار ويميني والحل واضح ما دخل فيه شكات محالة اللي عامها زارعيني را جا الرشا من فوقها تلف دورات راحت وراحوا ربعها الاوليني فهد المحمد السماعيل أشيقر أشيل صوتي في طويل المسافات نوب يجي سامر ونوب هجيني ويا حن قلبي محال منحات لا صدرت وغروبها صادريني عبدالله بن عبدالعزيز الفهد الرياض يا مرحبا واهدي لناصر تحيات واهدي لمن يقرى وقلبه فطيني ابشترك في حل لغزك بالأبيات صوت المحالة هيضنّ الحزيني محمد صقر الصفق شقراء اللغز يا ناصر تجيله علامات اتوضح المقصود حتى يبيني ذكر تني عصرا مضى وانقضى وفات يوم السواني والحدا والهجيني عبدالرحمن محمد العامر الغاط اللغز حله واردا ضمن الابيات ابين من سهيل اليماني لعيني محالة تحت الرشا تزعج الصوات تجر صوتا مثل صوت الحزيني فهد بن فياض العنزي
