بديت باسم المنفرد رب الاكوان الواحد اللي كل مسلم يهابه الشافي اللي عم خيره بالانسان والكافي اللي كل مؤمن هقابه ومن بعد ذكر الله جهزت قيفان وكسيتها بالزين واعطت مهابه ويا شعر ساعدني بزينات الالحان مشاعر الشاعر تجي في جوابه نباء من الديوان طارت به اذهان قالوا زعيم المملكة جته إصابه عمت ظلام المملكة كل الاوطان وصدور شعبه عانقتها الكآبه كل الوطن من حد عرعر لنجران وبحر الخليج اليا الحجاز وهضابه بعيونها دمعه وبقلوبها ايمان وكل رفع كفه ويبغي الاجابه يدعون رب البيت في كل الاحيان يشفي المليك اللي عزيز جنابه حاكم حكمنا واحتكمنا ولا هان دون المواطن ما يصكون بابه أبو اليتيم اللي شكى ضيم الازمان وأبو الضعيف اللي وصله ولجابه اللي علينا عم خيره والاحسان وفي كل ما نحتاج قام وسعابه هذا المليك اللي كما الغيث ودان لاهل وبله كل حي رعابه أحلى من البارد على قلب عطشان واصفى من الصافي قراح شرابه يحكم بدين اللي ختم كل الاديان نهج الرسول المصطفى والصحابه وحنا جنوده لابد اللازم نبان يفداه شيب المملكة مع شبابه وعساه يرجع سالم مثل ما كان والمملكة بتقول أهلا هلابه وولي عهده عضده أخوه سلطان اللي رجع للدار ما أبطى غيابه حام الحدود اليا طمع كل شيطان ويقبل الجندي ولا به غرابه أبو التواضع والمكارم كحيلان سلطان والفعل الجميل يحظابه ونايف وزير الامن والامن بامان لا قال قول الحق نايف وفاء به الله يديمه للوطن طير حوران ويرد كيد الطامع اللي نوابه وسلمان حاكم نجد سلمان سلمان اللي على العليا علاء في ركابه منه تعلمنا الوفاء بين الأخوان من رحلته ندرس حقوق القرابه والله يديم المملكة نور الأعيان ويرجع حبيب الشعب راع المهابه وأزكى صلواتي على سيد عدنان على الرسول عداد وبل السحابه الشيخ بندر بن عبدالرحمن بن ماجد الذويبي
