مشاعر الفرحة بدت عقب الأحزان

بديت بسم الله عزيز الجلالي
الواحد اللي فارضن خمس الأركان
منشئ من المنشا صدوق الخيالي
منشى من المنشأ يا راد الامزان
سحباً من المنشأ نشت كالجبالي
وهلهل بردها واستهلت بهتال
ياسرع ماسيلة على الأرض سالي
وملا المحاير والمصامد وغدران
هو الكريم اللي عليه اتكالي
وهو الذي نرجي ثوابه والاحسان
من بعد ذكره جاز نظم المقالي
واخترت انا من طيب القيل قيفان
والشكر للي عالياً فوق عالي
الواحد الله نحمده سر واعلان
اشفا ملكنا والمرض عنه زالي
وله الثناء والحمد في كل الأحيان
وبالفرحه اعرض للقوافي مجالي
وطامن لنا جزل المعاني والالحان
بسلامته تصغر جزيل المثالي
ومشاعر الفرحه بدت عقب الاحزان
غرب وجنوب وشرق وايضا شمالي
كل الوطن فرحان شيبن وشبان
بسلامة العاهل كريم السبالي
كلن يهني بالسلامه وفرحان
ويالله يا والي على كل والي
يالمعتلى يا الله يا عالي الشان
انك ترد اللي على الشعب غالي
عودة أبو متعب لها الكل شفقان
العاهل العادل فعوله اجزالي
مكارمه ما تتحصي ذرب الايمان
كم واحداً نماه هم الليالي
وعطاه متواصل على مر الازمان
كريم يبذل للوطن ما يبالي
وله في قلوب الشعب قيمة ومكان
والله نحبه حب أول وتالي
محبتن من قلب ينطق بها لسان
وعضيدة اللي ماكره بالطوالي
سلطان عز ويفعل الخير سلطان
صميدع يرسي اذا الوقت مالي
عز الوطن سلطان والفعل برهان
صميدع عز يقود الرجالي
عز الوطن لصار عج ودخان
واخوانه اللي ترتكي للثقالي
اخوانه الوافين نايف وسلمان
الله يحفظهم عزيز الجلالي
الأسرة اللي بالملمات مزيان
الله يحفظ محتمين التوالي
آل السعود مطوعة كل خوان
وصلاة ربي عد وبل الخيالي
على الرسول المصطفى نسل عدنان
محمد عايد البوجان الشراري