ظنك يطيح الجمل والا الجمل مايطيح راقب مسيره وعينك للجمل يارباح إن طاح ولم سكاكينه وغن الرديح من غيبة الشمس حتى يستفيق الصباح لكن ريمان دون اسمه وصعب المطيح لوانها بالسهايل طيحته كان طاح مااقول لاتتبعه وايضا مااقول أستريح خلك مثل من تحرى طيحته واستراح النصح مايوجد الا في ضمير النصيح واحيان بعض النصايح تقل سم ذحاح والشاعر احيان مثل الطير لكن جريح ولايصفق الريش للعليا كسير الجناح مسيت بالخير ياشعر الغزل والمديح يااللي لك اوزان وبحور ومذاق قراح لي عنك مدة وعذري منك وقتي شحيح من زحمة العولمة والجيل والانفتاح سوالف مايفيد إبها زناد وقديح وأكبر مصيبة منطحة الصياح الصياح اليوم هذا لقيتك ياالكلام الفصيح ان الفشل نوب مفتاح السبب للنجاح.
