رجف الخفوق

ضمني لايقلقك رجف الخفوق
تبعدك وأدنيك لي من قوها
خلك بجنبي معك..فكري يروق
توها النشوه تجي لي توها
التلاقي خلنا لطعمه نذوق
والمشاعر ضاميات.. وروها
شوق مخلوقٍ تولع بمخلوق
للقاء نشوه..أبيها وسوها
نور فؤادٍ من البعد محروق
صفحة أيام التجافي طوها
في ذراعي شكلت إسمك عروق
يالحياه الي أسرني جوها
لاتخليني من النشوه أفوق
وشمعه دروبي..وصالك ضوها
بين حرماني وشوقي لك فروق
وفرق في مر الحياة وحلوها
* شاعر سعودي