يا جرح

أشوفك ما لقيت المداوي
خاطرك شاين والليالي تعاديك
يا جرح ذيبك من مصايبك عاوي
هزّّّّ بقنيبة كل ما في بواديك
يا جرح مالك طب.. وإلا رجاوي
حالتك صعبة.. والسبايب محاكيك
تعال خذلك من ضميري فتاوي
تشرح لك اللي فيك.. واللي معنيّك
تدري من اللي شفت منه البلاوي
عشقٍ عشقته يالمعنّّّّى ولا أخفيك
ضاعت علومي من عيون المضاوي
اللي غدت روح المولع لها شيك
ذقت العنا.. والخل ماهوب ياوي
يطعن..ولا يدري وش اللي جرى فيك
واليوم ماظني صحيبك هواوي
ببعد.. وأباعد عن علوم الصعاليك
دربٍ مشيته مير طحت متساوي
طيحة حكيم العرف وسط الشرابيك