أبشرك.. نسيتك

الحال ترثى للحزن والتناهيد
والدمع للذكرى نطق ما عصيتك
هم، وسهر، والحال ما فيه تجديد
من حطة أيدينك إلى ما بكيتك
للصبح عصفور ٍ يجر الأناشيد
والليل دمعه تنهمل لا طريتك
كان الأمل غصن وحنينك عناقيد
والقلب مصلوب ٍعلى جدار بيتك
واليوم أنسى واعتبرنا مواليد
وإذا ابتسم لك حظ قل ما بغيتك
وإلا أنا بذكرك من عيد لي عيد
يمكن إذا طاوعني القلب جيتك
بعض الكلام يخون ما فيه تأكيد
لكن على اية حال طوَف فديتك
تدري تطمن لا تحضر مواعيد
أبشرك دار الزمان.. ونسيتك