لا تكابر

اعترف خل الظنون
ليه تخفي شي قالته العيون
أدري اسمي كل لحظة تردده
وإن رسمي بين رمشك والجفون
لا تعذّر بالخجل ليه الخجل؟
اللي مثلك من خجلهم ينكوون
أدري قلبك مغرم بالحيل بي
وأدري شوقك عاصفة بعد السكون
شفت صمتك قاسي ياروحي عليك
قلت أبادر في سؤالٍ به أمون
اسمع.. اسمع كلمتي لا تستحي
تدري إنت في حياتي وش تكون؟
أنت روحي وأنت مالك خافقي
قول أحبّك قبل لحظات الجنون
آه لو تدري ياعمري في غلاك
كان صمتك جرحه بقلبي يهون
قلها تكفى دامها قرب الشفاه
ليمتى والحال تخمين وظنون