لا هنت

لاهنت ياللي خيالك ما يفارقني
وعلى كثر ما تشكر منك مانصفتك
ما شاق عيني حلا غيرك وشوقني
أشوف وأعوف غيرك وأنت ماعفتك
من خلقتي ما عشقت إنسان يعشقني
إلا أنت فأقصى صميم القلب ضيفتك
عانقني إن جيت لك وإن رحت عانقني
وأطوّف أغلى الفرص أبطي ما طوفتك
واسبح معي في بحر حبك وغرقني
وخالفني الراي وارحل كان خالفتك
وافقتك الحب وإن كانك موافقني
فرشت لك جفني وبالرمش لحفتك
شفني تعلقت في حبك وعلقني
البعد والبعد منه مدري كيف أفتك
بعدك عن الشوف يرهقني ويرهقني
شوقٍ تكلف فيه وفيه كلفتك
مع زود الإرهاق تدري وش مضايقني
مرت أسبوعين لاجيتك ولا شفتك
صدقتني وإلا جعلك ما تصدقني
وأنا مصدقك لو إني ما حلفتك
سرقت قلبي معك وأخاف تسرقني
لجدة أول مكانٍ فيه صادفتك