خطية

ما هقيت الحب في قلبك خطية
حيها ذيك الخطايا والذنوب
ابتعد مسموح مالي مقدريه
شمس حبك جالها وقت الغروب
انسي اللي فات من روحه وجيه
ولا تمر أرجوك هذيك الدروب
سمها أوهام أو لعبة بريه
سمها نسمة تلاعبها الهبوب
لو سهرت بصحبة نجوم خليه
كان ميزت الشمال من الجنوب
اعتبر ما فات ليلة سرمدية
ولا تعد اخصالنا هي والعيوب
الهوى غدار ولك مني عطية
لا تحب وتتبع الحب بهروب
بالسلامة جرح وضاج الثنية
يذكر أجروحي وعد أنت الذنوب
جفت اجروحك وأنا جروحي نديه
هايم بالعشق وشفني بس أجوب
من وراء حايل إلى أطراف الحوية
لو تتوب الناس والله ما أتوب
منت هاك اللغز أو هاك القضية
أنت بس إنسان غدار ولعوب
أن هزمنا القوم طحنا بالسرية
ما أبيلك حب ولا أبيك محبوب